TVB处境剧《爱．回家之开心速递》由2017年开播，最新已经播出第1,000集，仲差百几集就肯定可以打破剧集《真情》嘅记录添！
文章来源：TVB资讯台 W博：@香港TVB资讯台
iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii
难怪一众演员都相当兴奋，刘丹希望剧集可以拍足2,000集，实行长拍长有咁话！其实除咗《爱．回家》系列之外，过去都有唔少长寿剧集都大受欢迎，好多你都一定睇过㗎！
《真情》
讲起长寿剧集，真系点可以唔提《真情》呀，剧集喺1995播到1999年，系无綫有史以嚟最长剧集，足足有成1128集啦。
iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii
iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii
咁啱刘丹又系有份演出，佢演叉烧炳一角深入民心，剧中唔少角色都为人熟悉，好似李司棋演嘅善姨同薛家燕演嘅好姨等。
而“奸人”郑子诚都系凭呢套剧成名，佢嗰场强迫马蹄露食泥嘅戏，真系够晒经典！
《皆大欢喜》（古装版）
剧中大部演员都系嚟自《真情》嘅班底，当然唔少得刘丹同薛家燕啦，全剧共325集，薛家燕唱嘅主题曲，呢句“唏呀唏呀唏呀唏…”够晒洗脑，令人印象深刻。
剧情搞笑情节讽刺时弊，由于呢种形式大受观众受落，所以一直添食，之后仲拍埋时装版添！剧中大玩食字，单单系“池力共镇”、“嘉仁宫”、“舞蕾宫”、“东音宫”等，呢啲地名都已经够好笑，仲要加埋剧中四大美人林漪娸、赵学而、梅小惠同陈彦行，不时斗嘴开火，大放笑弹！
《同事三分亲》
喺2007年底首播，总共364集，由关咏荷、金燕玲、徐荣等主演，当中徐荣演嘅裘俊为人缩骨，畀人称做“狗俊”，佢亦凭裘俊一角成功入屋，人气急升！
情节主线完全放喺办公室“斗争”，甚少提及到家庭纠纷，令观众充满新鲜感，呢套剧仲冲出香港，喺纽约电影电视节的处境喜剧组别得到铜奖，真系威到尽喎！
《毕打自己人》
由于是源于《同事三分亲》班底拍摄，2008年播放，共有337集，内容围绕办公室纠纷同家庭故事，再比起《同》更加有共鸣同趣味性，所以口碑仲更加好！
当中最大卖点一定系毛舜筠同黎耀祥嘅感情线，而剧集大结局嗰阵，仲引起网民热话，一齐讨论每个角色嘅下场。
而伤感嘅系，饰演大闫生的陈鸿烈喺剧集拍摄期间逝世，更用剧情交代，令人惋惜。
《季节》
本身被安排喺节目《欢乐今宵》播放，但系由于反应相当之好，之后就变成常备剧集，播出共389集。剧集由邓碧云、卢海鹏、谭炳文、林建明，仲有当时新加入TVB嘅罗嘉良等，剧中讲到邓碧云作为一个家庭中嘅和事老，点样去处理家庭纠纷，成为剧中最主要嘅焦点，“妈打”呢名就成为咗个邓碧云嘅称号！
由于一大班好戏之人嘅演出非常到位，当时更加成为观众嘅学习对象，学吓点样去处理家庭问题添！